Bagyo ng imahinasyon

Parehas kaming binagyo ni Amboy.
Basa siya ng sumakay sa company Van kahapon. Basa kami parehas. Hindi kami sabay ng uwian pero sa panahong iyon, sabay kami umuwi kasi parehas na van service ang sinakyan namin.

Yun din ang first time na makita ko si Amboy this week. Nag iba sila ng stations at dun siya sa may dulo ng production na-pwesto. Busy din sa work kaya di ko sya nadadaanan dun. Saka mukhang tanga naman kung dadaanan ko sya dun for no reason, masyadong obyus.

So sa van, nasa harap ko pumwesto si Amboy. Pinapatay namin ang aircon kasi nangangaligkig kaming lahat sa lamig. Tumalikod si Amboy at mabilis na nag-whats-up-yo sabay friendly nod. "Good, kinda dripping" naman ang mabilis kong reply. Parang tanga nga reply ko eh. Good, pero dripping? Anyway, ilang segundo lang humirit sya ng classic na hirit - Good thing we're not gremlins hehe.

Mga 2.5 seconds ko ring pri-nocess yung joke na yun bago ko maintindihan at makapagrespond ng "yeah" with a little chuckle. Habang umaandar ang van ilang beses ko ring narinig si Amboy na magcomment on the side ng "f**ck i hate the rain so much."

Sumabay na ko ng baba sa kanya kahit dun pa ko sa may Quezon ave dapat bababa. Chance kasi yun, you know???

Me: where you heading?
Amboy: three blocks away, then trike
Me: nice, well get going and get dry
Amboy: you bet... wanna go get dry too? in my room?
Me...... (tulala mode)


Tulala mode talaga kasi yung last line na yun, kathang isip lang. Hindi nya sinabi yun. Pagkasabi na pagkasabi ko ng get going and get dry tumalikod na sya at naglakad ng palayo. Ilang steps lang at lumiko sya sa kanto. Pero nakatayo pa rin ako dun sa pwesto ko. In my mind sinusundan ko sya ng tingin. Alam kong maglalakad pa sya ng "three blocks" away. Tatlong tawiran din yun. Nai-imagine ko na hindi sya hihinto sa mga stoplights, pero tatakbo pagtawid at makikipagpatintero sa mga sasakyang dumadaan.

Ini-imagine ko pagdating nya sa sakayan ng trike, maghihintay pa sya ng konti ng kasabay, bago magdedecide na magbabayad na lang ng special para umandar na yung trike. Tapos, pagbaba nya ng trike, konting lakad pa sa apat na palapag na apartment. Dun sya sa apartment C, meaning pangatlong door, at makikita ko syang bubuksan ang pinto, huhubarin and basang damit at pantalon, at isasara ang pintuan bago pa tuluyang masulayapan ng aking imahinasyon ang hubad nyang katawan.

Pizza quickie

Nagkaroon ng pizza party ang Operations team at napa-sabit ako sa party. Hindi masyadong makakain ng pizza si Amboy kasi may calls siya, e queuing pa naman. May umaaligid na iba kay Amboy, yung tipong nagpapa-cute din. Tight competition kasi same floor din kami, although magkaiba sila ng account. Pero mukhang tumba ako sa competition na ito kasi babae ang nagpapa-cute na to.

Pano ko nasabing nagpapa-cute? Yung tipong sine-save-an sya ng pizza nitong girlash na to. Eh hindi naman sya involved sa pizza party na to kasi taga ibang account sya pero da-guts talaga kung kumuha ng pizza. In fairness, para kay Amboy naman yung mga pizza na kinukuha nya.

May 3 slices ng pizza sa desk ni Amboy. Uneaten and untouched kahit 3 hours ng nakakalipas yung pizza party. Iba-iba pang flavors, talagang lakas ng dating nitong si Amboy. Pero mukhang di masyadong trip ni Amboy yung pizza. Nung wala na sa premises yung girl, naglakas loob akong magpapansin kay Amboy. Lumapit ako sa desk nya habang wala syang call at mukhang busy sa pagno-notate ng account.

Me: You hoarder you got all the pizza?
Amboy: (laughs). You want some? Someone hoarded it for me (smiles)
Me: Is that someone your girlfriend (pabiro na medyo half-meant)
Amboy: No way man, not gonna happen...

Medyo may shroud ng mystery sa reaction ni Amboy... "no way man, not gonna happen...".
No way na, not gonna happen pa?
Shucksss, mukhang may pag asa ako kay Amboy.

Ang misteryosong taxi

Busy this week kasi dumating mga tiyahin ko from UK. Nagmeet kami kasama family ko and talagang haggard kasi wala akong tulog. Dami mga catch up catch up na usapan and dyahe kasi lahat ginagawa sa umaga eh yun yung oras ko ng tulog.

Nagpaalam ako sa bisor ako ng magleleave ng isang araw dahil sa mga "familial obligations" ko. Sabi nya, adjust ko na lang daw sched ko kasi marami akong mapepending na reports. So nag adjust ako ng sched. Which also means di na kami sabay ni Amboy ng sched. At least for this week lang.

Lunch ko at kumakain ako sa kanto foodstall ng hotdog sandwhich ng makita ko si Amboy na naglalakad papuntang sakayan ng bus. May parang humatak sa kin at namamagnet ako papunta sa kanya. Kaya habang ngumunguya ay sinundan ko si Amboy. Andun lang sya sa waiting shed nakatambay pero ilang bus na ang dumaan, di pa rin sya sumasakay. Saka, parang from time to time, sinisilip nya phone nya.

Dun ako pumwesto sa kabilang kanto para di nya ko mahalata. Pagnagkataon na makita nya ko, patay, mukha akong stalker nito o espiya. Antay pako sandali, matagal pa naman lunch break, at sinisilip-silip ko si Amboy from afar.

Hindi ko alam bakit fixated ako kay Amboy. Yung tipong sya lagi ang nasa isip ko. Ang totoo nyan, 3 days dapat VL ko pero ginawa kong isang araw dahil gusto ko syang makita everyday, tapos swerte pa kasi pina-adjust na lang ng boss ko yung sched ko.

Ganito kasi, mukhang barumbado si Amboy, pero in a subtle way. Lalaking-lalaki ang dating pero hindi ka mai-intimidate sa masculinity nya. Nung one time na nakasabay ko sya sa elevator tapos nasa likod nya ko, parang ang sarap dilaan ng likod ng tenga nya. Magkasing height lang kami, kaya feeling ko ayos ayos ang labanan sa kama, hehe

Nakaka-EL kasi talaga si Amboy, pero dahil straight sya, at patagong-naka-lock-sa-closet-na-napapaluputan-ng-bakal-na-kadena na bi naman ako, hanggang pantasya lang talaga. Hanggang pa-blog-blog lang. Hanggang patanaw-tanaw lang from afar.

At nang magsawa na kong magtanaw from afar, at dahil malapit na ring matapos lunch break ko, pabalik na sana ko ng office nang biglang makita kong may pumarang white taxi sa harap nya. Di ko sure kung sya ang pumara or pumara ng kusa ang taxi, pero ang klaro kong nakita sa 20-20 kong mata ay nung sumakay si Amboy sa taxi yun, eh may tao na sa loob bukod sa driver. In short, may kikitain pala si Amboy...

Videoke Night

Every last Fri ng month, may pakana ang Human Resources. For June, meron kaming Videoke night. Naka-set up sya sa may game room na katabi din ng canteen. Para mas lalong mapahiya ang kakanta, may platform kung san ka kakanta, so parang may stage na elevated.

Syempre sinabayan ko si Amboy ng lunch, kaya nung nag logout sya, sibat na rin ako papuntang pantry. Balak ko sana, tabihan si Amboy sa upuan nya pag lunch. Usually naman eh mag isa yung mag lunch kaya hindi dyaheng sumabay sa table nya. Nakita kong umupo sya sa may bandang wall, medyo malapit dun sa podium ng videoke. Oorder na sana ako ng bigla akong tawagin ni Chocolate.

Chocolate ang itatawag ko sa kanya dito kasi kamukha nya si Chocolate, yung bading na komedyante. Pero sa totoong buhay ay babae sya na mataba pero di naman ganun kaitim, pero meron talaga silang resemblance ni Chocolate.

Background lang ng konti kay Choco. Etong si Choco, wavemate ko nung nagstart akong mag-agent dito sa kumpanyang to. Sobrang kalog kaya naman nag-click kami. Hindi dahil sa kalog ako, pero parehas kami ng wavelength, kaya yung kaka-lugan nya, nai-intensify pagmagkasama kami. Ngayon, magkahiwalay na kami ng department but we make sure na lagi kaming magchichikahan.

So eto na nga, habang papalapit sa harap para umorder, aba, etong si Chocolate bigla na lang akong hinila papunta sa stage sabay bigay nung isa pang mic.

Choco: Naku buti na lang andito ang good friend kong si Glen para tulungan ako sa second voice
Me: Hala! Ano to... ayoko...
Choco: Wag ka na umarte dyan teh madali lang to (sabay abot ng mic)
Me: Ano ba gagawin?
Choco: Maggagantsilyo. Obvious ba? May hawak tayong mic (naknamputsa nag stand up comedy pa tong si bruha)
Choco: (pabulong sabay kindat) Back up vocal ka, alam na alam mo to...

Biglang tumunog na ang videoke machine. Shocks... Alam na alam ko nga ang back-up vocal sa kantang ito. At shocks pa uli ng million times.... Kasi makikita ako ni Amboy na kumanta sa stage.

Nagsimula ng kumanta si Choco... LA, proved too much for the man...
Midnight train to Georgia... At parang gusto kong sumakay ng 5:45am train sa Buendia

Amboy 101

10 Facts about Amboy

1. May tattoo sya sa may ilalim ng batok. It reads: Made in the Phils na logo style. Meaning, sa pilipinas sya pinanganak. Nakita ko sa meeting room nung nagsalimpusa ako sa team meeting nila. Gagawin ko sanang means to engage in a conversation with him kaya lang napatawag ako sa unahan bigla.

2. Schedule nya ay 11pm-8am Fri Sat off

3. Sa Cubao MRT sya bumababa. Sinasabayan ko sya nung nalaman ko yung sched nya sa shared file. Pagbaba sa cubao eh naglalakad pa siya papasok ng Araneta going somewhere, hindi ko sure exactly san sa Cubao siya nakatira

4. Walang asawa si Amboy, mukhang wala ding GF. Bi ba sya? Hehe wish ko lang, pero wala namang chismis sa floor questioning his sexuality. In fact, marami akong kumpetisyon sa floor pagdating kay Amboy. Hindi lang bekis, pati mga chicks din

5. He can undestand but doesn's speak Tagalog fluently

6. He's 26 years old and his birthday is on March. (Nakita ko sa FB)

7. Hindi sya nauubusan ng supply ng cargo and baggy pants. Parang gusto ko syang samahang magshopping sa mall

8. Favorite nyang ulam ay lechong kawali. As in everyday walang palya

9. Cellphone number nya is 0915XXX.XXXX (hinanap ko sa business contingency file, hehe)

10. Nakaka 4 cups of coffe sya in a 9-hr shift. Latte ska with cream mostly, no pure black

Tattoo on My Mind

Yung nangyayari samin ni Amboy, nakakainis. Nakakainis kasi puro passive glances lang ang mga eksena. At fault din ako syempre kasi ang torpe torpe ko, pero syempre you have to factor in yung sitwasyon. Lalaking English-spokenin kasi ang prospect ko dito. Mas madali sana kung magandang chick na lang.

Isa pa, straight si Amboy. So suntok sa buwan talaga. Pero kelangang gumawa ng aksyon. Di pwedeng pasulyap sulyap lang ang eksena. Kaya isang beses sa may meeting room, pumasok ako sa loob kahit hindi ako involved sa meeting, at tinabihan ko si Amboy, kahit medyo nakasiksik sya sa may sulok.

Seryoso ang team meeting kaya di nila ako napansin. Ako naman, seryoso din sa pag-amoy ng pabango ni Amboy. CK one, swabe lang. Nakatabi ako kay Amboy at parehas kaming nakatayo kasi wala ng bakanteng upuan. At dahil siksikan eh nagkakadikit mga braso namin. Grabe, dikitan palang ng braso kinikilig na ko. Hindi lang purely libog eh, more on kilig na may kahalong libog.

Maya maya pa, umupo si Amboy ng cross-seat sa floor, napagod ata sa sermon ni TL regarding quota and stats. Sa pagkakayuko ni Amboy, napansin ko yung tattoo nya sa may ilalim ng batok. Hindi sya ganun ka-clear kasi konting portion lang ang lumalabas sa damit nya. Actually, mukha syang words or phrase na nakasulat sa likod nya, di ko mabasa. Naisip ko, shocks... pagkakataon ng dumiskarte. Kaya out of nowhere, I asked him: Nice tats Mike, what does it say?

Amboy: Oh this? Says Made in the Phils. (all caps sya sa tattoo)
Me: Awesome

Awesome lang nasabi ko. Bawal makipagdaldalan baka bulyawan ako ni TL. Yun nga tipong nagcomment ako nun nang tinawag ako ni TL. Glen, great that you're here, would you care explain to them the impact of their upsells to the revenue? Ayos, napa-present pa tuloy ako ng di oras.

Loner and Boner

Ilang days ding di nakapag-post, medyo naging busy lang. Dami pinapagawang reports. Pagsend mo naman, akala mo binabasa agad nung mga hinayupak na recipients. Meron pang reports na sobrang super duper urgent daw na tipong ngayon ni-request pero kahapon ang deadline. Ganun ka-urgent kelangang kong mag-travel back in time.

Pero hindi porket busy dapat ng pabayaan ang love life. Kaya si Amboy, na everyday inspiration ko, syempre I made it a point to allot time for him. At dahil may access ako sa sched nya, palihim ko syang sinasabayan sa lunch nya.

Kakaiba trip sa pagkain ni Amboy. Lagi sya sa cafeteria, tapos laging lechong kawali. Hindi ko sya tinatabihan para pa-non-chalant effect. Nung highschool nagpa-non-chalant effect din ako sa crush kong babae. Alam mo resulta? Wala, bokya, niligawan sya nung barkada ko haaay.

Balik tayo sa cafeteria. Ayun, sinasabayan ko syang maglunch pero laging from a distance lang ang eksena namin. Kunwari busy busyhan pa ko sa blackberry ko para di halata na tumityempo ako sa lunch time nya. Minsan may kasabay syang teammates, madalas, mag isa lang sya. Pag napapatingin sya sakin, nginingitian ko sya sabay tingin sa blackberry, kunwari nagche-check ng emails. Sa 1-hr nyang lunch, 20 mins lang sya kakain then the rest of the time, natutulog sya sa sleeping quarters o kaya tumatambay sa game room.

Nung mga araw na sinasabayan ko si Amboy, pansin ko loner sya. E pano ba yan, loner din ako, bagay kami. Gusto ko syang sabayan, hehe.

Dream Interpretation Eklat

Si Amboy, na laman ng unconscious at consciousness ko, ay patuloy na bumabagabag sa aking katinuan (lalim ah). Nung weekend, napanaginipan ko si Amboy at di tulad ng iba kong mga recent na panaginip, etong panaginip ko ay very vivid and memorable. Memorable na medyo nakakabagabag. Naghahanap ako ng mga dream interpretations eklat at eto ang mga nakalap ko base sa previous dream (or nightmare) ko with Dreamboy Amboy:


Escalator:
Arcade:
Shooting game:

Pababa sya, pataas naman ako: Opposite directions kami kumbaga, so obviously, we have two different things that we want in life. Gusto nya bebot na maganda na maputi at mestiza. Ako, syempre, gusto ko sya! Hehe. Well opkors not for long term eklat, more on physical satisfaction and lust ang pagkagusto ko sa kanya

Dami interpretations pagdating sa Arcade. Actually situational, pero when I try to look back and fit in sa dream ko, the Arcade represents of a possible escape that I'm trying to accomplish. Escape from current frustrations or difficulty being faced. Obvious naman kung ano ibig sabihin nito: frustrated ako dahil hindi ako makapag-out; difficult yung situation kasi ayoko namang mag-out; and my form of escape is by writing this blog. Let's see kung magiging recurring yang nyetang Arcarde dream na yan pag nag-start na kong mag-effort

Sabi sa mga dream interpretations eklat na nagkalat sa net, kapag naglalaro ka ng game, means "you’re feeling powerless over a situation and the feeling of control you get when playing video games in an arcade.." Tapos shooting pa, so talagang wala na talaga akong lusot, kawawa talaga, parang ako yung shinu-shoot na target sa game dun sa arcade. Powerless nga ba ko sa situation kong ito? Siguro oo, pero I chose to be powerless. Desisyong kong umupo lang sa station ko ng walang effort habang palihim na pinapagpantasyahan si Amboy. So maybe it's about time that I do something. Sige, pag may update kwento ko agad dito sa blog.

Amboy... Dreamboy

Si Amboy, kahit sa panaginip ko, andun pa rin. Kahit rest day ko, siya pa rin nasa isip ko. Napapakanta nga ako ng Sa Isip Ko ni Agot Isidro eh, kaya lang naalala ko di ko pala alam ang lyrics.

Ganito kasi, nasa SM kami ni Amboy. Parang may ka-date ata sya nun, basta nagkita kami sa may escalator. Pababa sya ng escalator, tapos ako, pataas. Tapos yun, hello, hello, hi, ang eksena namin. Friendly nods. Ganun.

Tapos, dahil dream, may pagka-weird right? Pagdating ko sa taas ng escalator, ayun, andun uli sya. Tapos inakbayan nya ko tas lakad lakad parang nagwiwindow shopping. Di ko na maalala masyado yung details eh. Basta eto, meron akong favorite na puntahan sa mall. Pumunta kami dun para enjoy. Nope, hindi sa CR ng mall, hehe, sa arcade. Punta kami arcade. Then all of a sudden, tumungo kami sa RPG shooting shooting na game.

Pagdating dun, kala ko maglalaro, huhulugan ko na sana ng token, eh biglang yakap and holding hands sya dun sa naglalaro ng baril barilan. Meron namang mga babaeng mahilig mag arcade diba? Kaya napatigil ako sandali... Aba, may ka-date nga. Pero eto ang mas shocking, ang sinalubong at kina-holding hands nya sa arcade, hindi babae, pucha, lalaki pala. At cute din.

Crush... Literally

Si Amboy ay naka-station sa may tapat ng cubicle ko. As in i-tilt ko lang ng konti ulo ko e tanaw ko na ang gwaping nyang face. Medyo difficult ang situation ng feeling ko towards Amboy. Kung tutuusin, simpleng "crush" lang naman eh; pero ganito kasi

1. crush ko siya pero parehas kami lalaki
2. crush ko siya at tago ako
3. crush ko siya at straight siya

Ika nga ng Riverymaya, komplikado, parang relong made in Japan.
Parang tanga lang pag may crush ka noh? I mean, ang tanda-tanda ko na tapos kung kiligin ako parang teenage girl lang na kinukurot sa tinggil. Ganun ata talaga, kahit 25 years old na ko natural pa rin ata na kinikilig. Yung range ng emotions ko nga hindi lang kilig eh, merong anxiety, restlessness, and a fleeting urge of submissiveness (ano daw?), sama mo na ang pa-intellect epek hehe.

Eto pa, nagsusulyapan pa kami, alam mo yun, catching glances ang eksena. Tititigan ko sya, tapos pag nahuli nya eye contact ko bigla ako lilingon sa monitor ko. Tapos repeat from the top. Dati najojologan ako sa kanta ni Tootsie Guevarra na "pasulyap sulyap" tapos eto, nakakarelate ako. Kadeeersss...

Pero hindi Tootsie Guevarra ang tumutugtog sa playlist ko habang naglalaro kami ng catching glances ni Amboy; kahit naka-shuffle media player ko, biglang nagplay ang kantang "Crush" ni Mandy Moore. Sakto nung sa chorus, nung paulit-ulit si Ate Mandy sa paglitanya ng "I got a crush on you.." lumapit si Amboy sa kin at nangatog ako ng slight. Naka PC speaker ako, kaya nung nasa harap ko na sya, off ko agad yung speaker tapos eto bungad nya:

Amboy: hey Glen, you've got a minute
Me: Sure, what's up? (kahit hindi lang a minute, kahit one-hour pa eh, sabi ko sa isip ko)
Amboy: you have access to our schedule? my TL's out today
Me: Yeah lemme have a look

Nung na-open ko na pinakita ko sa kanya yung sched nya. Kinailangan nyang lumapit sa screen, haaaay, naamoy ko ulit yung pabango nya. Ralph ata, ewan ko, basta ang bango kasi amoy lalaki na manamis-namis, hehe

Thanksers, gotta go to lunch in an hour, sabi nya.
Yeah, let's grab something to eat later and maybe I can eat you too afterwards....ang sabi ko sa isip ko. Hanggang sa isip ko lang yun opkors.

At pag-on ko uli ng speaker, guess what kung anong tumutugtog? Desire ni Ryan Adams.

Harutan sa Stockroom

Hindi lahat ng empleyado namin sa kumpanya ang nakakaalam ng stockroom. Nasa sulok sya ng mini pantry, malapit sa mga inventory ng old computers. Naghuhugas ako ng mug ko nun ng may marinig akong parang kumakaluskos. Di ko sana papansinin eh kaya lang mag isa lang ako eh baka mumu kakaripas sana ako ng takbo, pero dahil ADULT na ko, di ako kumaripas ng takbo, bagkus, inimbestigahan ko kung san nanggagaling yung tunog.

Lumapit ako sa may pinto ng stockroom. Nakasara. Dinikit ko tenga ko sa pinto. Effective pala yun no, kala ko pa-epek lang sa mga movies at series. Hindi ungol ang naririnig ko actually eh, pero more on kaluskos na parang hindi stable na bagay. After a few seconds, lumayo na ko sa pinto pabalik sa may lababo ng mini pantry.

Kahit malinis na ang mug ko at wala na kong ibang pakay sa lugar na yun, I decided na mag stay para makita kung sino ang lalabas. And lo and behold, mamaya pa, si kuya cute chinito guard lumabas. Tapos mga after 2 minutes, si cute slim maintenance guy naman ang lumabas.

Eto, ayoko namang maging malisyoso at assuming. Pero kasi tong si cute slim maintenance guy, pawisan at parang hinihingal nung lumabas. Saka nung nag eye contact kami, parang nagpanic mode na inilayo yung gaze nya at nagmadaling maglakad.

Wala akong nariring na chismis sa stockroom kasi una: mukha siyang ordinaryong stockroom, at pangalawa: di naman ako chismoso, pero na-feel ko kanina na parang may harutang naganap. Sana pala kumatok na lang ako kanina para threesome sana, hehe

Si Amboy

First Post.

Isa akong closet bisexual. Yes, I prefer to use that term kasi nakikipagsex at attracted pa rin ako sa babae. Tunay na babae ah, hindi ladyboy hehe. Although natry ko na rin ang ladyboy. Parang girl na rin.

Napa-gawa ako ng blog kasi wala akong mapagsabihan ng mga secrets ko. Kaya sa buong internet community ko na lang sasabihin, hehe. Ang maganda sa blog, may complete anonymity. Mga bloggers dyan, anonymous daw pero nagd-drop ng factual names, real places they have been to etc, eh di nagbibigay na rin sila ng clue sa identity nila.

Maganda sa blog, totoong anonymous. Kasi nga discreet ako diba. WALANG NAKAKAALAM. Syempre pwera na yung mga naka-sex ko na anonymous din. Lagi incognito mode.

Isa pang reason kaya bigla akong napa-gawa ng blog... Si Amboy. Isa sya sa mga agents sa floor. Barumbado itsura ni Amboy. Semikal na may tattoo. English speaking, pag kausap mo kala mo naka-headset pa rin. Yo, how's it goin, zzup, see yah mga banat nya.

Eto kamukha nya para may idea kayo

Kamukha lang ah, saka cleanshaved si Amboy ko, walang balbas (AMBOY KO na agad, assuming)

Ganito ang conversation namin kanina nang magkabanggaan sa CR

Me: hey what's up?
Amboy: Good, you?
Me: Not much, how are the calls?
Amboy: Crazy but fun
Me: You bet...
Amboy: Yeah, see yah
Sabay labas ng banyo ni Amboy, habang nasa urinal pa rin ako. Paka-walang kwentang conversation noh?

Pero paulit ulit ko syang nire-replay sa utak ko. PARA AKONG TANGANG nakatitig sa monitor, walang na-fi-finish na reports, and pine-playback yung nangyari sa banyo. Nyeta kasi tong Amboy na to... Bakit kelangan nyang maging cute, mabango, at naka-station pa sa may tapat ko.

Haaaay....